Einweihung Thurgauer Regierungsgebäude

Geschrieben von Christian Kreis on .

Zum Tag der offenen Tür des Regierungsgebäudes in Frauenfeld haben die beiden OL-Vereine Amriswil und thurgorienta der Kantonsregierung eine OL-Spezialkarte des Regierungsviertels überreicht. Mit einer lebendigen und kreativen Ansprache von Thomas Wägeli wurden den Mitgliedern des Regierungsrates gleich bei der Eröffnung unter grossem Applaus die Karten übergeben.

Herr Regierigsrotpräsident, werti Regierigsrotsmitglieder, liäbi Gäscht

Mir fiired hüt es grosses Fäscht

Au mir OL-Läufer hend dörfe cho

Und mir hend sogär es Gschenk mitgnoh

Es isch eso… i dä Tat

Sportlich, isch üsen Regierigsrot

Öb annere OL-Öpfel-Trophy, oder ame Halbmarathon

Fühled sie sich grad so sicher, we voreme Mikrofon

Bim OL isches we bim regiäre

Bi beidem gits ganz viel z schtudiäre

Wänn euri Ämter sich mol i Detail verlüüred

Und ihr lieber Luscht uf Veränderig gschpüüred

Euen erschte Gedanke isch mängmol gär nid so schlächt

Und nid immer hend euri Beroter rächt

Wänn interni Entscheid eu au mol tönd quäle

Dänked eifach dra… wer tot eu wähle?

Bim OL Schport gilt we bim regiäre

Chlini Fähler lönd sich korrigiäre

Aber denn schnäll zrugg uf d Route

Und dänn gradlinig em Ziel zueschpute

Aber ich will eu nid politisch belehre

Und scho gär nid politisch bekehre

De Schport und d Politik händ viel Gmeinsamkeite

Beides chan Fruscht, aber vor allem viel Freud bereite

Mit Hilf vo däre Charte bliibed ihr fit und zwäg

Und vor allem… uf em richtige Wäg

Diä beide Thurgauer OL-Verein thurgorienta und OL Amriswil

Überreiched sie eu offiziell mit Klass und Stil

Mir möchte düs bedanke für die Glägeheit

Eu das Gschenk z überreiche hät üüs würkli gfreut

 Regierungsrat

Der Thurgauer Regierungsrat beim Singen des Thurgauerlieds

 

 

Facebook

facebook